مترددة كثير قبل ما اكتب مشكلتي .. بس يا ريت تساعدوني: انا بنت عمري 22 سنة عاديه كثير مش هالجمال الكثير يعني بس مخطوبة لشاب عمره 27 سنه.
الشاب قمة في الاخلاق والأدب عدا عن انه معلم مدرسة. المشكله انه افكاري بعيدة كثير عن افكاره. وبالرغم من انه خلص جامعة إلا انه لا يستمع لرأيي مهما كان. المهم كيف بفكر هو والقرار الاول والاخير لازم يكون فقط اله.. وأنا اصلا عمري ما مشيت على رأي حد.
والمصيبة الاكبر انه انا عنيدة وما حد بيتنازل للثاني. احيانا هو بيتنازل اختصار للشر فقط. بالاضافة لشغله انه لما احكي كلمه وما تعجبه لا يراجعني بهذه الكلمه رأسا.. بيظل مخبيها لوقت معين .. بعدها بطلعلي كل اخطائي مرة وحدة.
اخر نقد اله انه ما بيلفظ بعض الحروف بصورة صحيحة. واغلب اهلي بيعلقو عليه قدامي وبينتقدوه يمكن هالشغلة بتزعجني كثير. مش عارفة حاسة حالي كثير بعيدة عنه ومش عارفه شو اعمل .. اظل معه ولا اترك. كل ما احاول احكي معه بحس انو ببعد اكثر عني… عن جد محتاره.
