زوجي وحماتي وسلفتي قرفوني حياتي

انا متجوزة من 7 سنين وعندي طفل عمره 3 سنين وحياتي مأساة يعني جوزي ما بهتم فيي كثير ودار حماي بيظلو ينبرو وسلفتي بتظل تنقل خراف وتكذب علساني.

انا قرفت حياتي معهم يعني جوزي مش مهتم فيي وما بعطيني مصاري ولا بطلعنا مشوار زي الناس وما بيعرف يحكي كلمة منيحة وكل ما تقوله امو لازم يرد عليها بكل شي.

لا مخليني اشتغل ولا اكمل دراستي وسلفتي بس صرت اشتغل ظلت تنبر فوق راس جوزها لحد ما جوزي خلاني اقعد عن الشغل من ورا اخوه واهلو وحماتي بدها اياني خدامة عندها وما بعجبها اشي وما بدها نشتري اشي للبيت ولا نطلع مكان وانا اشتريت عفش البيت من مالي الخاص بعت ذهبي وعكل شي بتنبر وبدهاش ابني يشرب حليب حتى عهاي بتنبر وبتحب سلفتي الغريبة وبتظل تحكي عنها لانها قوية وبتخرسهم.

والله انا منيحة معهم بس زهقتهم ساعدوني شو اعمل كيف اكسب حماتي وكيف بدي اكسب جوزي؟ وكيف بدي اتجاهل سلفتي لانها قرفتني حياتي ما في الا كل حرف بتنقلو الي زي السوسة بتعملي قلق طول اليوم. وطول اليوم عندي ودايما بطردها بس ما بتستحي …مشان الله ساعدوني والله زهقت وشكرا الكم.