بالفيديو: شاهدوا المقارنة بين الوضع المزري في الطيبة والتطور السريع في بلدة تسور يتسحاق
فيديو مقارنة بين المدينة ابنة القرن، والمستوطنة ابنة الامس، ما يظهر الفرق في وضع وظروف كل بلدة، فجوة تبعد بُعد الامس عن القرن.
اعد مراسل موقع “الطيبة نت “ضياء حاج يحيى، فيديو مميزا، بين خلاله اوضاع البنية التحتية والشوارع في مدينة الطيبة مقارنة مع بلدة تسور يتسحاق اليهودية المحاذية للطيبة.
وقد بين الفيديو المصور وضع مزري لشوارع عديدة في الطيبة المليئة بالحفر والمياه، كذلك الامر بالنسبة للارصفة والبنية التحتية، مع العلم ان مدينة الطيبة يبلغ عمرها اكثر من قرن، وينقصها الكثير من الامور الخدماتية التي يتطلع اليها كل مواطن طيباوي، بينما بلدة تسور يتسحاق الذي لا يتعدى عمرها العقد، اصبح فيها بنايات حديثة وشامخة ومرافق عامة وشوارع معبدة وبنية تحتية بوضع ممتاز التي تليق بمستوى الحياة والمعيشة.
كما ويشار ان الحكومة الاسرائيلية وعدت في العام الماضي بمنح مدينة الطيبة ميزانية بقيمة 150 مليون شاقل لتطوير مشاريع عدة وعلى راسها الشوارع، لكن لم يلاحظ السكان بان هنالك اي تغيير على ارض الواقع.
وقال مراسلنا في افتتاحية الفيديو :” تبعد بلدة تسور يتسحاق عن مدينة الطيبة مسافة اقل من خمسة دقائق، لكن على ارض الواقع وكل ما يتعلق في البنية التحتية من شوارع وارصفة تبعد الطيبة عشرات السنين عنها. جدير بالذكر ان المواطن الطيباوي لا يستمتع باي من الخدمات التي يتطلع اليها، مع العلم ان المواطن الطيباوي يدفع ضرائب اكثر من اي مواطن من سكان تسور يتسحاق الذي يستمتع بكافة الخدمات المتاحة له.
في هذا الفيديو سنعرض لكم حالات الشوارع والارصفة والبنية التحتية في الطيبة مقارنة مع تسور بتسحاق وجاهزية الطيبة لموسم الشتاء
نترككم مع هذا التصوير فهو ينقل لكم الصورة بشكل اوضح…
كل الاحترام للطيبه نت
وبدل ما نوقف واحد مع الثاني بنحط اللوم على العرب بدل ما نوقف ايد ب ايد مشان نحاول نرجع الي انسرق منا بنقول احنا بنستاهل ! مع احترامي الك هاي اسمو انهزام واستسلام وخضوع و خوف وفشل وذا هيك الكل بفكر مثلك ولا حدا من العرب بتقدم خطوة وحدة واصلا اليهود راح تزيد معاملتهم السيئة للعرب وتزيد العنصرية لما يشوفو ان العرب اصلا مش واقفين مع بعض
لو سمحت يا واجد ! اصلن لو انه الدولة بتعمل للعرب مثل ما بتعمل لليهود كان ولا اي اشي بكون مش مليح قليل جدا نادرا ! اول اشي الدولة موفرة كل اشي لليهود وخاصة البنى التحتية والعمل عشان الدولة بتسمحش لحالها تشوف يهودي عاطل عن العمل مشان هيك مفش عند اليهود كثير مشاكل بالرغم انه في بس بالمقارنة للعرب قليل وهاي بسبب ان العرب كثير في عندهم عاطلين عن العمل مشان هيك هذول الشباب الي بلاقوش مؤسسة تضمهم او حدا يسمع صوتهم ومفش شغل شو حسب رايك بدهم يفكرو غير بالعنف ؟ ثاني اشي الدولة بتوفر لليهود ماكنات تنظيف وماكنات ترميم للشوارع احنا العرب بوفرولنا هاي الاشي ؟ طيب والبيوت الي فيها ناس بحالهم لما تشتي الدنيا المي بتغطي نص الدار ؟ هاي الاشي لو عند اليهود بصير الدولة عحسابها بتعالج الموضوع و باقل من سبوع !! فكر بحال العرب وفكر ليش هيك بصير انا بقلش ان العرب ٤٨ الي بعملو صح بس كمان الضغط النفسي الي سببتلنا ايا الدولة مش قليل بكفي اطلعو قبل شهر قانون بنفي العرب بالرغم ان اصلا اليهود المتشردين وهاجروا عبلادنا و احنا اصحاب الارض وبكفي سكنوا محلنا وكمان هسا بدهم يخلونا هامشيين ! سرقونا ارضنا نهبونا بيوتنا الي اهنا و اجدادنا بنوهن حجر حجر اطلعونا منهن وصرن الهم اي عدل هاي اي ديمقراطية !
البلد الدولة سرقتها؟ ولا اهل الطيبة سرقوها؟ انو خرب الرمزوات تبعت الطيبة ايام المظاهرات؟ انو الي بعبر الطريق من تحت الجسر وهو في جسر؟ انو الي ببني بنايات بدون رخص؟ عن اي ضغط انتي بتحكي؟ انو الي سرق سيارة لواحد من ام الفحم اجا مع ابنو يوم اللعبة الي كانت بين الطيبة وام الفحم قبل اكم شهر؟ بصير من الدولة اشياء, بس في اشياء عنا احنا السبب فيها… احنا فش عنا انتماء لبلدنا احنا بنحزي فش عنا وعي ولا ثقافه منع كل الاحترام الك
مع احترامي للمقال, والله يا اخوي احنا الي جبنا الحال المزري لحالنا, علاقل بتسور يتسحاق برموش زبل من شبابيك السيارات, ولكم ناس بتسب الرب ليل نهار بالقهاوي كيف الله بدو يوفقها؟!!! حتى المصلي لما يفوت يشكر الله بصلاة الجمعه بدشر سيارته واقفه بنص الشارع مبسد الطريق, وفي الليالي الحشاشه دايره بهالشوارع لا بتشتغل ولا بتعمر…عن اي وضع بتقارنو انتو قاعدين؟ احنا مت بنستاهل اشي يا اخواننا
وهل من سامع النداء ؟