لا زالت فصول أزمة إيقاف الطيار المصري أشرف أبو اليسر عن العمل مدى الحياة تتفاعل بسبب مقطع فيديو نشره الفنان المصري محمد رمضان يظهره وهو جالس في قمرة القيادة، وكانت الممثلة المصرية وفاء عامر تعاطفت مع قضيته، أما الممثل المصري وائل عبد العزيزشقيق الممثلة ياسمين عبد العزيز
فلم يتحمل السخرية التي تناول بها رمضان قضية الطيار بعد نشره مقطع فيديو يظهره في غرفة عمليات ويبدو جرح في بطنه ثم تدار الكاميرا نحو عينيه ليهز بحاجبيه ويعلق عليه :”الدكتور اللي صورني وقفوه عن العمل مدى الحياة”.
وكتب عبد العزيز في صفحته على أحد مواقع التواصل الاجتماعي :”يا ابني انت بتعمل كده ليه، ناقصك إيه عشان تبقي بالدماغ دي، ربنا اداك نعمة وحب الناس وقبول، وأنا اشتغلت معاك ابن حلال مكنتش كده خالص وكنت ابن بلد وجدع وكنا صحاب وأكلت معاك عيش وملح كتير وليك علّيا إني أنصحك”.
وأضاف: “وهقولك الكلام ده هنا لأنك مختفي عننا وعن زمايلك كلهم وبردو منعرفش السبب، أنت فاهم معني الكلام الي أنت كاتبه ده إيه؟ .. إنك بتستهزأ وبتتشفى في بني آدم خسر شغله بسببك ولو حتي بتتريق على الناس اللي فصلته كلتا الحالتين مش صح، أنت ليه حابب تكره الناس فيك، إيه الحلو في اللي أنت بتعمله ده عايز أفهم”.
وختم: “ما تركز في شغلك ونجاحك وتمثيلك بدل الهبد ده عيب يا محمد يا رمضان عيب وروح راضي الراجل ده عشان الناس تحترمك، الراجل غلط وانت كمان، بس وقوفك جنبه هيغير كتير عند الناس صدقني ومش عيب يبقى ليك مستشار إعلامي يقولك تكتب إيه وإيه لا عشان فيه كلام مينفعش يتقال يا محمد”.
-
-
-
-
-
-
