ارجو مساعدتكم: كذبت عليه وما الي عين احكي معه
السلام عليكم ورحمة الله وبركاته. انا عندي مشكلة عاطفية ومش لاقيتلها حل يا ريت لو تقدروا تساعدوني بس بدون تجريح.
قبل 3 سنين كانت اول مرة بقعد فيها على النت وما كنت اعرف فيه شي وانا داخلة اقرا واشوف صور بمنتدى دخلت بالغلط على غرف المحادثة للمنتدى وشفتهم كيف بحكوا حبيت الفكرة وصرت احكي معهم وتعرفت على واحد وبدأ يسالني اسئلة عن اسمي واسم عيلتي ومعلومات كتيرة عني انا بوقتها كنت خايفة كتير لاني جديدة على النت وكنت افكر انه لو حكيت اسمي وعمري الحقيقين رح يقدروا يوصلولي وكنت خايفة من هاي الفكرة خصوصا اذأ وصلولي واهلي عرفوا لانه اهلي متدينين كثير..
وبدأت انا اعطيه معلومات غلط عني ولا شي منها صحيحة وبدا تعارفنا يزيد وبعدين هو علمني كيف اعمل ايميل وعملت ايميل وصرنا نحكي عليه وضلينا 6 اشهر وانا كل يوم استناه للساعة 12 بالليل لحتى يرجع من شغله عشان نحكي وبعدين هو طلب مني رقم التلفون مشان نحكي.
بالبداية ما تقبلت الفكرة بس بعدين وافقت لانه صرت احس اني مهتمة فيه وصرنا نحكي على التلفون وكل اليوم اضل استنى الساعة 12 بفارغ الصبر والنا على هالوضع سنة و 9 شهور وانا خايفة عليه الحقيقة لانه ما اقدر اقوله معنديش الجرأة اني اخبره انه انا كذبت عليه بكل معلوماتي كنت خايفة من نظرته الي كيف رح تكون شو رح يحكي عني اذا عرف بالموضوع كنت كل يوم اقعد افكر شو بدي اعمل واحكي لازم اقوله بس لما يجي الوقت اتذكر كيف بدها تكون نظرته الي اتراجع وما اقله ..
وقبل اسبوعين طلعت عشان اشوفه طلب مني يشوف الهوية بس انا رفضت لانه اذأ شافها رح يكشفني وظليت مصرة انه ميشوفهاش واطلع اعذار انه صورة الهوية مش حلوة بديش تشوفها وروحت على البيت وانا متضايقة كثير انه بعدني بكذب عليه بعد كل هالوقت.
ولما حكينا على التلفون بعد ما رجعت على الدار قاللي لازم اشوفك الاسبوع الجاي وتكون معك الهوية واجى الاسبوع اللي بعده وانا صرت اتهرب انه ما اقدر اطلع وكل ما يحدد يوم انا أاجله عشان خايفة اواجه بالحقيقة مش قادرة افتح معه الموضوع واقوله انا كذابة ويوم الاربعاء قررت اقوله الحقيقة كلها وانا مش عارفة من وين وكيف ابدأ. بس قلت لازم يعرف واتصلتله ورحت شفته وحكيتله كل شي انا كنت متوقعة انه وانا بحكي معه يقوم ويتركني بس هو ضل قاعد وسمعني للاخر وبعدين صار يقولي انتي لو قلتيلي هذا الكلام من قبل كان احسن. كنا قدرنا نتخطى هذا الشي بس هسه صعب. وبعدين خلصنا كلام وقمنا كل واحد يروح على بيته.
وحكى معي مبارح وصار يسمعني كلام جارح انه انا كذابة وانه اللي بكذب مرة ممكن يكذب عشرة وانه انا عندي هواية الكذب طبعا انا اعذره بكل هذا الكلام لانه عارفة انه اللي عملته شغله غلط انا كذبت عليه باسمي واسم ابي واسم امي واسماء اخواني كذبت عليه بالمكان اللي كنت ساكنة فيه وكذبت عليه بتاريخ ميلادي وهو شب محترم كثير بحياته ما غلط معي بأي شيء بس انا غلطت بحقه كثير يا ريت لو كنت بقدر ارجع الزمن حتى اقول له الحقيقة من الاول. انا هسة محتارة كثير انا بحبه وما اقدر اعيش من غيره لو يوم بس انا حابة انه يرجعلي ومش حابة لانه انا فعلا بحبه وما عمري كذبت عليه بمشاعري بس انا خايفة انه اذأ رجعلي ما يقدر ينسى كذبي وما يقدر يوثق في من جديد وكل شي احكيه يفكر انه انا بكذب عليه وخصوصا انا ما الي عين احكي معه بعد ما عرف الحقيقة هو لحد الآن ما اعطاني جواب انه رح يرجعلي او لا.
انا بجد محتارة ومش عارفة شو اعمل انا بحبه كثير ونفسي يرجعلي ارجوكم ساعدوني وقولو لي كيف ممكن اخليه يرجعلي وينسى كل كذبي.
انا كذبت على حبيبتي بالصورة و الان اريد ان اعتذر منها لكن خايف أنها تتركني بعد ما تعلقت فيهاا ولكن اريد ان انتهي من هذا الكابوس واقول لها الحقيقة بس ما أعرف كيف ساعدوووني كيف افتحلها الموضوع و اقول لها الحقيقة ساعدونيي
اكذب على حبيبي واجد وش الحل
الله يعين
السلام عليكم
مشكلتني مثل مشكلتك بس انا كذبت عليه بصورتي كمان يعني ما عندي عذر عشان اقوله وانا بتعتبره صديق لا اكثر بس خايفه يكشفني وما قادره اصارحه لأني حأخسره
أنا أيضا كذبت على حبيبي خسرته لن يعود إلي مرة أخرى
انا كمان كدبت بشغلا وهل ما اعرف شوى سوى أقول ولا ما أقول خايفة قول ويطلع سيبني
والله انا كمان متلك كدبت على شب ببداية معرفتي فيه عن مكان سكني و وبحياتي ما كدبت عليه غير هالشي و حاسسته شاكك فيني هاليومين وكتير خايفه و بحس اني مو قادره اتطلع بوجهي بالمرايه او اصارح نفسي بهالشي و خايفه من ردة فعله لو عرف بهالموضوع و مو عارفه كيف بدي اواجهه و هو بس صديق لا اكثر ولا اقل بس له بقلبي مكانه كبيره
اصلا انتي مش غلطانه ولا باي اشي لانه الي عمليتي صح لو انه كل بنت بدها تقول لكل واحد شو اسمها وتفاصيل اخرى كان بصيرو يلعبه فيها انا حسب رأيي هو ما بحبك لانه لازم يعذرك انتي أخذني احتياطك مش اكثر ليش هم كل الشباب صادقين.
الصراحة هاي اشي بايخ كثير , اذا كنت غلطي فغلطك هو انك حكيتي معه من الاساس , ومليح اصلا انك كذبتي علي , تخيللي انه طلع واحد مش منيح وراح عمل فيكي زي ما بعملو بالبنات وبدشروهن, وتنسيش انه طلب منك الهوية هاي دليل ثاني انه هو شكاك وبعدين الله اعلم اكم وحدة صاحب غيرك , وبالاخر الطيبين للطيبات, متاسفة على الصراحة بس شباب اليوم بصاحبو مليون وحدة ولما ييجو يتزوجو بوخذو احسن بنت ( يعني وحدة اديبة ).
شكرا الك لصراحتك في الموضوع يلي طرحتية
في اعتقادي انك صاحبة قلب سليم ومشاعرك تجاهو اصدق من مشاعروا تجاهك ولو انوا كان يثق فيكي ما كان طلب منك الهوية ليعرف ????
وبخصوص انك شرحتيلة الموضوع باكملة يعني انك مهتمة فية بجد واي انسان كان لازم يعذرك اذا كان بحبك
ففي نظري كوني شاب وبصراحة هو ما بحبك لان الحب كلمة تكسر كل القيود والاحاسيس والشكوك يعني شو ما يصير ما بشوف احسن ولا اجمل من الي بحبة
اعتذر ازا كان تدخلي مباشر
استغفري ربنا كثير ، واتحلي بالصبر ، انا لو مكانك ببعتلو رساله فيها بعتذرلو وبحكيلو نفس يلي حكتيه هون بمشكلتك ، واحكيلو انو كنت مضطره وانك مش راح تعيدي عليها وانك بتتمني يتقبل اعتذارك ، وبعدها اتركيه يفكر بينو وبين حالو ، اذا كان بحبك عنجد بسامحك واذا لع راح يبعد وبعادو احسن ، وان شالله كل خير
بس دايم اكذب عليه بس احبه